U la në stol ndaj Zvicrës, Ronaldo kërcënoi me largim? Reagon fuqishëm federata portugeze
C.Ronaldo kërcënoi se do të largohet nga Katari në momentin kur e kuptoi se nuk do të ishte titullar kundër Zvicrës, ky ishte lajmi i bujshëm i bërë publik nga e përditshmja portugeze Record. Kujtojmë që Ronaldo nuk e priti mirë zëvendësimin as në ndeshjen kundër Koresë së Jugut, por mes palëve pati një përplasje të fortë në momentin kur trajneri Santos i bëri me dije se do ta niste nga stoli kundër Xhakës dhe Shaqirit.
Ndryshe nga se u fol dhe pretendua nga kjo media, Ronaldo u shfaq në pankinë, shpesh duke buzëqeshur, sigurisht duke tërhequr vëmendjen e mediave. Ky lajm ka bërë që Federata Portugeze të reagojë fuqishëm duke hedhur poshtë çdo pretendim duke i cilësuar spekulime:
“Në asnjë moment kapiteni i përfaqësueses, Cristiano Ronaldo, nuk ka kërcënuar se do të largohet nga Katari. Cristiano shkruan çdo ditë një histori unike në përfaqësuese e cila duhet respektuar. Lojtari me më shumë ndeshje në përfaqësuese po e tregon çdo ditë impenjimin e tij maksimal për të arritur rezultatin më të mirë për Portugalinë në një Kupë Bote”, lexohet ndër të tjera në reagimin e Federatës Portugeze.
Artikuj të tjerë:
Flash News
03:05 / Turqia: Diskriminimi, ksenofobia s'njohin kufij në Evropë
02:11 / Aeroplani u ngrit në aeroportin e Cauayan City në Isabela
02:10 / Një aeroplan zhduket në provincën veriore të Filipineve
02:06 / Iran, banditët u larguan nga vendi i ngjarjes pas sulmit
02:05 / Dy oficerët e policisë u sulmuan kur patrullonin me kolegët
02:04 / Dy oficerë policie të vrarë në juglindje të Iranit
News24 Livestream
