Home > SPORT BOTA

Pjesa e dytë e intervistës Boom, Ronaldo i thotë të gjitha: Ten Hag më provokoi, nëse fitoj Botërorin do të tërhiqem

Pjesa e dytë e intervistës Boom, Ronaldo i thotë të gjitha:

Cristiano Ronaldo shkaktoi tërmet në një intervistë me Pirs Morgan, të publikuar pak ditë më parë. Ashtu siç ishte planifikuar, sot është publikuar edhe pjesa e dytë e bisedës, në të cilën ylli portugez ka thënë edhe të vërteta të tjera. Gjithashtu, ai shtoi se nëse fiton Botërorin, do të tërhiqet.

“Ndeshja me Tottenham dhe Ten Hag-Ndjej keqardhje që u largova nga stadiumi. Me shumë mundësi, nuk di të them me 100%, por le të themi se më vjen keq që e bëra. Por në të njëjtën kohë, u ndjeva i provokuar nga trajneri. Nuk ia lejoj vetes që një trajner të më futë në lojë për 3 minuta. Më vjen keq, nuk jam ai lloj lojtari.

Unë e di se çfarë mund t’u jap skuadrave. Isha unë dhe 8 lojtarë, por ata përmendën vetëm emrin tim, të gjithë e bëjnë këtë. Vitin e kaluar, shumë lojtarë bënë të njëjtën gjë. Në atë ndeshje, 8 lojtarë bënë të njëjtën, por ata flasin vetëm për delen e zezë që jam unë. Gjë të cilën e kuptoj plotësisht, në rregull, i kërkoj falje trajnerit dhe për mua kapitulli ishte mbyllur.

Ndjesia që Ten Hag më përmendte mua që nuk kisha bërë fazën përgatitore, ndaj duhej të prisja për momentin tim, unë e kuptoja. Nuk dua të tregoj pikat, por nuk është përdorur e njëjta procedurë me të gjithë lojtarët. Nuk do të përmend emra, por nuk veprohej në të njëjtën mënyrë.

Kanë ndodhur gjëra të tjera që njerëzit nuk i njohin. Dhe nuk po e fsheh që empatia me trajnerin nuk është e mirë. Unë jam i ndershëm.

Ai nuk më respekton në mënyrën që meritoj. Por gjërat janë kështu. Ndoshta kjo është arsyeja pse në ndeshjen ndaj Totenhemit unë u largova.

Dakord, nuk më aktivizove ndaj Sitit për shkak të respektit ndaj karrierës dhe ti do të më aktivizosh për tre minuta ndaj Totenhemit. Nuk ka asnjë kuptim.

Mendoj se e bëri me dashje, se për shembull në ekipin kombëtar dhe klube të tjera, nëse trajneri do të më aktivizojë për 5 minuta nëse ka një dëmtim apo kanë nevojë vërtetë për mua, unë do të ndihmoj. Por në atë mënyrë unë u ndjeva i provokuar, jo vetëm për atë ndeshje, por edhe më parë. Tërhiqem nëse fitoj Kupën e Botës” – Tha ai.

Flash News

News24 Livestream