Home > SPORT

Shpëtimtari Messias, Milan mban gjallë kualifikimin, tani Pioli sfidon Jurgen Klopp

Shpëtimtari Messias, Milan mban gjallë kualifikimin, tani Pioli sfidon

Milan nuk vdes kurrë, mban të gjallë kualifikimin për në 1/8 e Champions League falë një fitore të madhe në Wanda Metropolitano kundër Atletico Madrid. Duhej një mrekulli dhe një e tillë erdhi pikërisht atëherë kur më pak pritej, erdhi fal një talenti si Messias, një bekim për kuqezinjtë. Ekipi i Piolit ishte superior në çdo aspekt, kontrolluan ndeshjen ku flirtuan në më shumë se një herë më golin e avantazh, Bakayoko dhe jo vetëm vendosën në provë Oblak.

Messias
Messias

Atëherë kur gjërat po shkonin drejtë fundit, në minutën e 87-të, Messias me kokë dërgoi topin në rrjetë duke i dhuruar Milan fitoren e parë në Grupin B. Pas 5 ndeshjesh, Milan ndodhet në vendin e tretë me katër pikë, po aq sa edhe Ateltico Madrid dhe një pikë më pas se Porto.

Në sfidën e fundit, kuqezinjtë presin Liverpool në “San Siro”, me të kuqtë që e kanë siguruar kohë më parë kualifikimin por nuk kanë ndërmend të tolerojnë askënd, këtë e vërtetuan sërish duke mposhtur pastër 2-0 Porton. Alcantara dhe Momo Salah realizuan për ekipin e Jurgen Klopp.

Stefano Pioli nuk e fsheh gëzimin për këtë sukses të arritur në Madrid: “Djemtë bënë një paraqitje të rëndësishme, treguan personalitet dhe kurajo. Ishte një ndeshje e vështirë por e fituar me meritë dhe intensitet, kualitet dhe mentalitet, ishte e drejtë të festoja me djemtë në fund”, theksoi tekniku kuqezi në përfundim të sfidës.



Flash News

News24 Livestream