VOA: Gjykata e Lartë ndryshon vendimin, ish-zyrtari në Shqipëri kthehet sërish në burg
Në Shqipëri, Gjykata e Lartë ka nisur shqyrtimin e çështjeve. Në një vendim të fundit kjo gjykatë ka rrëzuar një vendim të gjykatës së Apelit Vlorë, duke kthyer kështu në burg ish-kryeinspektorin e Inspektoriatit të Mbrojtjes së Territorit të Bashkisë së Himarës, Melseid Nelaj.
Në 28 Korrik të vitit 2021, Gjykata e Apelit Vlorë kishte vendosur masën “Detyrim paraqitje” për zotin Nelaj, i cili akuzohet për penale “Shpërdorimi i detyrës”. Por pas vendimit të fundit nga Gjykata e Lartë, e cila la në fuqi vendimit të Gjykatës së Shkallës së Parë Vlorë ( kjo gjykatë kishte vendosur masën e sigurisë “Arrest në burg”) policia e qytetit bregdetar ka dërguar në burg zotin Nelaj.
Sipas organit të akuzës, dyshohet se ish-kryeinspektori, me veprimet dhe mosveprimet e tij, ka lejuar ndërtime pa leje në zona të ndryshme të Himarës.
Sipas Prokurorisë së Vlorës, ndërtimet janë kryesisht shtesa në kate dhe ndërtime të reja dhe janë evidentuar në zonën e bregdetit nga Dhërmiu deri në Borsh, pjesë e territorit të Bashkisë Himarë.
Zoti Nelajn, i ka mohuar akuzat dhe mbrojtja e tij pritet të paraqesë argumentet në gjykatë mbi pretendimet e prokuroisë.
Zonat në bregdetin jugor nga Vlora në Sarandë që cilësohet “riviera shqiptare” mbeten nga më të lakmuarat në Shqipëri për ndërtime për shkak të ofertës së lartë turistike.
Inspektoriati Kombëtar i Mbrojtjes së Territorit në përgjigje të interesimit të Zërit të Amerikës tha se në vitin 2021 realizoi 39 inspektime dhe prishje ndërtimesh pa leje vetëm në territorin e Bashkisë së Sarandës. /VOA
Artikuj të tjerë:
Flash News
23:09 / Berisha: Përulje e mirënjohje për të gjithë ata që votuan sot
23:09 / Berisha: Do bëj gjithçka qe ëndrrat e shqiptarëve të bëhen realitet
23:09 / Berisha: Ky besim është një detyrim i madh për mua
23:09 / Berisha: Anëtarët e PD-së janë njerëz te idealeve te larta
23:09 / Berisha: Anetaret e PD-së janë njerëz te idealeve te larta
23:09 / Berisha: Misioni ynë të shpëtojmë Shqipërinë
News24 Livestream
