Home > SHQIPËRIA

U premtoi BE-në klandestinëve në këmbim të parave, arrestohet 31-vjeçari nga Kamza, shpallet në kërkim bashkëpunëtori

U premtoi BE-në klandestinëve në këmbim të parave,

Policia e Lezhës ka goditur një tjetër rast të ndihmës së dhënë ndaj klandestineve.

Në pranga është vendosur një 31-vjeçar, që u kap nga efektivët duke transportuar 8 klandestinë, të cilëve u kishte premtuar kalimin drejt vendeve të BE kundrejt pagesës.

Gjithashtu është shpallur në kërkim një 18-vjeçar, i cili dyshohet se kishte marrë me qira makinën që po transportoheshin emigrantët.

Njoftimi i Policisë:

Goditet një tjetër rast i dhënies ndihmë për kalim të paligjshëm të kufirit.

Vihet në pranga një 31-vjeçar që u kap nga shërbimet e Policisë, duke transportuar 8 emigrantë të paligjshëm të cilëve iu kishin premtuar kalimin drejt vendeve të BE-së, kundrejt pagesës.

Gjithashtu, shpallet në kërkim policor 18-vjeçari që kishte marrë me qira mjetin me të cilin po transportoheshin emigrantët e paligjshëm.

Në kuadër të bashkëpunimit me strukturat e DVP Lezhë dhe në zbatim të planit të masave për të parandaluar dhe goditur aktivitetin e paligjshëm të dhënies ndihmë shtetasve të huaj për kalim të paligjshëm të kufijve dhe tranzitimin e tyre në territorin shqiptar, me destinacion vendet e BE-së, shërbimet e Njësisë Operacionale të Autostradës Milot-Morinë, në bashkëpunim me strukturat e DVP Lezhë, pas informacioneve të marra në rrugë policore se me një automjet tip “Volksëagen” po transportoheshin emigrantë të paligjshëm drejt Kosovës, organizuan punën për lokalizimin dhe ndalimin e mjetit. Si rezultat u bë arrestimi në flagrancë i shtetasit:

-E. P., 31 vjeç, banues në Kamzë, Tiranë, si dhe u bë shpallja në kërkim policor e shtetasit F. D., 18 vjeç, banues në Kukës.

Shtetasi E. P. është kapur në kushtet e flagrancës nga shërbimet e Njësisë së Autostradës Milot- Morinë, në Skuraj, Kurbin, duke transportuar me automjetin tip “Volksëagen”, të marrë me qira nga shtetasi F. D., 8 emigrantë të paligjshëm, të cilëve iu kishin premtuar kalimin drejt vendeve të BE-së, kundrejt pagesës.

Materialet i kaluan Prokurorisë pranë Gjykatës së Shkallës së Parë Kurbin, për veprime të mëtejshme procedurale, për veprën penale “Ndihma për kalim të paligjshëm të kufijve”, e kryer në bashkëpunim.

News24 Livestream