Home > SHQIPËRIA

Tentoi të dilte nga Shqipëria përmes Portit të Durrësit, arrestohet 41-vjeçari. Zbulohet arsyeja

Tentoi të dilte nga Shqipëria përmes Portit të

Një 41 vjeçar, banues në Mirditë i cili po tentonte të dilte nga Shqipëria përmes Portit të Durrësit, është arrestuar nga policia.

Sipas bluve, personi i arrestuar i cili ishte nisur drejt Italisë, kishte dorëzuar dokumentet të cilat ishin të pamjaftueshme në bazë të kritereve të vendosura nga vendet e tjera, për shkak të COVID-19.

Por për të shmangur procdedurat e kontrollit të dokumentacionit, ai i ka dhënë 50 euro punonjësit të policisë, veprim i cili e ka çuar në pranga.

Goditet një rast i korrupsionit aktiv të personave që ushtrojnë funksione publike.
Punonjësit e Policisë Kufitare në Port Durrës, gjatë kryerjes së procedurave të regjistrimit të shtetasve që kalojnë kufirin, kanë goditur një rast të korrupsionit.

Shtetasi N. G. është paraqitur në dalje të PKK, Port Durrës dhe ka dorëzuar dokumentet për të udhëtuar jashtë Republikës së Shqipërisë drejt Italisë, të cilat ishin të pamjaftueshme në bazë të kritereve të vendosura nga vendet e tjera, për shkak të COVID-19.

Punonjësi i Policisë pasi i ka bërë me dije shtetasit N. G. se nuk mund të udhëtonte për shkak të mosplotësimit të kritereve, ai i ka dhënë përsëri pasaportën me një kartëmonedhë të prerjes 50 euro në brendësi të saj, me qëllim shmangien e procedurave të kontrollit të dokumentacionit për kalimin drejt Italisë në mënyrë të paligjshme.

Në vijim të veprime, specialistët për Hetimin e Krimit Financiar-Ekonomik pranë Drejtorisë Vendore të Policisë Durrës kanë arrestuar në flagrancë shtetasin N. G., 41 vjeç, banues në Mirditë, për veprën penale “Korrupsioni aktiv i personave që ushtrojnë funksione publike”.

Materialet i kaluan Prokurorisë së Rrethit Gjyqësor Durrës, për veprime të mëtejshme.

News24 Livestream