Home > SHQIPËRIA

“Qeveria ka planifikuar një proces shkatërrimi për pronat e qytetarëve të Bërxullës”, Tedi Blushi: Të tërhiqet menjëherë, të pranojë kërkesat e banorëve

“Qeveria ka planifikuar një proces shkatërrimi për pronat e

Sekretari i Përgjithshëm i Partisë së Lirisë Tedi Blushi deklaron se kërkesat e banorëve të Bërxullës janë të drejta dhe kushtetuese.

Blushi shkruan se qeveria ka planifikuar një proces shkatërrimi për pronat e qytetarëve të Bërxullës që preken nga projekti Thumanë-Kashar.

Ai i bën thirrje qeverisë të tërhiqet menjëherë nga çdo përpjekje kokëfortë dhe procedurë antikushtetuese.

POSTIMI I PLOTË
PRONA ËSHTË E SHENJTË! PRANONI KËRKESAT KUSHTETUESE TË BANORËVE TË BËRXULLËS!
Në mënyrë antikushtetuese, të dhunshme dhe jo transparente, Qeveria ka planifikuar një proces shkatërrimi për pronat e qytetarëve të Bërxullës që preken nga projekti Thumanë-Kashar.
Duke vlerësuar me objektivitet kërkesat e drejta të këtyre banorëve që prej muajsh janë në protestë mbështesim plotësisht shqetësimin shumë të madh të tyre se Qeveria po planifikon t’u shkatërrojë pronat me forcë dhe presion, duke u premtuar në ajër kompensime të padrejta dhe qesharake financiare.
Mbi të gjitha duke krijuar një situatë antiligjore, duke nxitur një tension social shumë të rëndë dhe duke vënë në rrezik jetën e dhjetëra banorëve që janë të vendosur të mbrojnë me çdo çmim pasuritë e tyre legjitime!
I bëjmë thirrje Qeverisë të tërhiqet menjëherë nga çdo përpjekje kokëfortë dhe procedurë antikushtetuese, që synon shkatërrimin me dhunë të pronave private të qytetarëve, por të garantojë një zgjidhje të drejtë dhe objektive siç Kushtetuta e parashikon, me transparencë, konsultime dhe mjete demokratike!

Flash News

News24 Livestream