Home > SHQIPËRIA

“Ndryshime të vështira, por të nevojshme për një të ardhme më të mirë. Nëse jo tani, Kur? ”, Ambasadorja Kim takon Ahmetajn: SHBA do të vazhdojë të jetë me ju

“Ndryshime të vështira, por të nevojshme për një

Ambasadorja e SHBA në Tiranë, Yuri Kim zhvilloi sot një takim me zv/kryeministrin Arben Ahmetaj. Përmes një postimi në twitter, ambasadorja Kim shkruan se me z. Ahmetaj bisedoi mbi vullnetin e SHBA për partneritet të fortë me Shqipërinë në fushën e demokracisë, mbrojtjes dhe biznesit.

“U takova me Zv. Kryeministrin e ri Arben Ahmetaj për të theksuar dëshirën e SHBA për bashkëpunim të fortë në demokraci, mbrojtje & biznes. Nënvizova gjithashtu se SHBA janë jashtëzakonisht shumë serioze mbi korrupsionin si pjesë e interesit tonë kombëtar.

Ne nxisim qeverinë që të marrë marrë masa të vërteta, në mënyrë që Shqipëria të jetë më e drejtë, më e fortë dhe më e pasur.

Ne biseduam rëndësinë e zgjidhjes së të drejtave të pronës, përfshirë përmes dixhitalizimit të arkivave për të ndalur ndërhyrjen ilegale njerëzore; zbatimin e reformës në drejtësi në mënyrë që qytetarët & investuesit të mbështeten në gjykata të pastra; adresimin e pastrimit të parave dhe shqetësimeve të tjera të ngritura nga Task Forca për Veprim Financiar (FATF).

30 vjet nga përfundimi i diktaturës komuniste, udhëheqësit Flag of Albania nga të gjitha krahët duhet të shfrytëzojnë mundësinë për t’i ndalur zakonet e këqija të së kaluarës, për të bërë ndryshime të vështira por të nevojshme në mënyrë që brezi i ardhshëm të ketë një të ardhme më të mirë. Nëse jo tani, kur? SHBA do të vazhdojnë të jenë me ju në mbështetje të plotë”-shkruan ambasadorja Kim.

Flash News

News24 Livestream