Home > SHQIPËRIA

Me pushime kur vendi ishte në flakë? Haki Çako: Kam edhe unë familjen time, shteti s’funksionon me emra. Kisha deleguar një drejtor

Me pushime kur vendi ishte në flakë? Haki Çako: Kam edhe

Kreu i Emergjencave Civile, Haki Çako ka reaguar në lidhje me akuzat dhe pretendimet e ngritura se ai ishte me pushime gjatë kohës kur disa qarqe të vendit po përballeshin me zjarrin.

Në një intervistë telefonike për ‘News24’, Çako, duke iu përgjigjur edhe deklaratës së KLSH-së, tha se dhe ai kishte një familje, ndërsa sqaroi se kishte qenë në një vend familjar.

Mes të tjerash Çako tha se shteti nuk funksionin me emra të përveçëm, duke shtuar se detyrën ia kishte deleguar një drejtori.

“Ndonëse nuk do të desha të flisja për këtë, është histori, një çështje e pakuptimtë. Unë si çdo qytetar tjetër, kam familjen time, nevojat e mia. Kam pasur një vend familjar, dhe kjo u bë çështje. Institucioneve të caktuara e personalizojnë çështjen. Shteti nuk funksionon me emra. Qoftë ai i Haki Çakos, apo i kujtdo, por me struktura. Strukturat përkatëse kanë qenë në kryet të detyrës. Kisha deleguar një drejtor përkatës që ishte duke bërë detyrën e vetë. Janë probleme që nuk duhet të diskutohen më, pasi nuk kanë asnjë vlerë.”, tha ai.

Kujtojmë se KLSH zbriti në terren ku dhe nisi kontrollin ndaj strukturave që menaxhojnë shuarjen e flakëve. KLSH do të verifikoj menaxhimin që po bëhet për procesin e shuarjes së zjarreve, duke nisur që përdorimi i pajisjeve si dhe anën organizative.

News24 Livestream