Home > SHQIPËRIA

“Këta duhen vrarë të gjithë, janë kriminelë”/ U plagos në detyrë, punonjësi i IMT-së: Iu hodha sipër dhe i kapa armën, ai ishte i dehur dhe…

“Këta duhen vrarë të gjithë, janë

Pronari i një banese që po shembej, Qani Muça, plagosi me armë zjarri dy ditë më parë punonjësin e Inspektoratit të Mbrojtjes së Territorit, Ilirjan Gavelli.

Në dosjen hetimore të prokurorisë thuhet se punonjësi i IMT-së u plagos pas një përleshje me Muçën.

Ndërkohë, inspektori i plagosur ka dëshmuar se po fotografonte objektin e shembur nga IMT kur është përballur me fyerje të 55-vjeçarit dhe ka parë një armë pistoletë të drejtuar nga vetja.

Pamje Nga Vendngjarja 1
Pamje Nga Vendngjarja 1

“Unë instiktivisht jam hedhur dhe ja kam kapur pasi isha në distancë 2-3 metra larg tij. Në momentin që i kam kapur armën, ai e ka shkrepur dhe kam ndjerë që plumbi më preku në pjesën e barkut. Kam vazhduar të përleshem me të për t’i hequr pistoletën, por mesa mbaj mend pistoleta ka shkrepur për herë të dytë, ndërsa unë vazhdoja ta mbaja të bllokuar nga duart armën e Qani Muçës. Edhe pse u afruan punonjësit e policisë, ai vazhdonte ta mbante dhe bënte rezistencë. Me sa kam parë, ishte në gjendje të dehur dhe vinte era alkool”, ka thënë punonjësi, raporton A2CNN.

Ndërsa punonjësit e policisë, që kanë dhënë deklarime për ngjarjen, kanë pohuar se ishin aty në mbështetje të aksionit të IMT, kur kanë dëgjuar të shtënat.

Sipas njërit prej tyre, në momentin e shoqërimit të Muçës, ai ka thënë “këta duhen vrarë të gjithë, se janë kriminelë”.

Flash News

News24 Livestream