Home > Me Zemër të Hapur Lajmet

Gruaja u rrah brutalisht në mes të Tiranës, dëshmitarët sjellin detajet dhe videon ekskluzive në emisionin “Me zemër të hapur”

Gruaja u rrah brutalisht në mes të Tiranës, dëshmitarët

Në studion e emisionit "Me Zemër të Hapur" të gazetares Evis Ahmeti, u trajtua sot ngjarja e rëndë e rrahjes brutale të një lypseje në një nga zonat më të frekuentuara të kryeqytetit.

Në burrë rreth 40 vjeç nën efektin e alkoolit dhunoi mbrëmjen e 28 qershorit në mënyrë makabre bashkëjetuesen e tij. Burri, i cili vetëm disa minuta më vonë u prangos nga policia qëllonte me grushta e shkelma të renë në sy të dy fëmijëve të saj të mitur derisa ajo humbi vetëdijen. Emisioni “Me zemër të hapur” ka siguruar video ekskluzive të momenteve kur gruaja me ndihmë të kalimtarëve i shpëton barbarisë së burrit dhe niset me autoambulancë për të marrë ndihmën mjekësore. Në studio do të kemi edhe dëshmitarë okularë të kësaj ngjarje tronditëse, të cilët do të na hedhin më tepër dritë rreth asaj që ka ndodhur.  Ndiqni rrëfimin e tyre…

Intervista:

A fole me gruan?

Jo sepse ajo ishte në gjendje të fikti. Ndjeva që ndaj saj kishte racizëm.  Kishte biznese dhe njerëz aty që vetëm shikonin dhe nuk i vinin në ndihmë. Ishte e tmerrshme. Bashkëpunëtori im la makinën në rrugë dhe e gjurmoi agresorin e mbajti derisa erdhi policia. Pashë fëmijët e vegjël 1 dhe 2 vjeç. Ishin të paveshur dhe të paushqyer. Më i vogli thërriste mami, ndërsa më i rrituri i fshinte gjakun.

Faleminderit kësaj studioje që më jep mundësinë të denoncoj këto raste. Më ka tronditur dhe rasti i nënës së abuzuar seksualisht në Grabian të Lushnjës. Nëna doli me legen të thyer dhe vdiq pas dy javësh e vetme. Në varrimin e saj kanë qenë vetëm dy persona. Media e trajtoi shumë keq këtë rast.

Flet dëshmitari tjetër Leonard Berisha

Isha duke ikur në rrugë me makinë kur pashë një burrë që goditi gruan i mori paratë dhe u largua. Lashë makinën dhe e gjurmova e kapa i thashë: “Ndal Policia”. Më tha më lër se kam hallet e mia. Ai pretendonte se gruaja e kishte tradhëtuar prandaj e dhunoi. E mbajta për gjashtë minuta e gjysmë derisa erdhi policia dhe arrestoi.

Flash News

News24 Livestream